(मुक्तक-1)
नेपालीकै आँखामा किन अासुँ भरिन्छ जहिल्यै
नेपाली मात्रै दुश्मनको नजरमा परिन्छ जहिल्यै
हो मेरो मन छिया छिया हुन्छ यी कुराहरु सोचेर
बिश्वको कुना कुनामा किन नेपाली मरिन्छ जहिल्यै ।।
(मुक्तक-2)
घरगोठ भत्कियो त्रिपाल छानो बनेको छ
चोटहरु सहन मुटु हाम्रो अचानो बनेको छ ।
यो नियतिको लेखा पनि बुझी नसक्नु भो
सुन्दैन पुकार ईश्वरले, उ नै कानो बनेको छ ।
(मुक्तक-3)
दस नङ्ग्रा खियाएर खाली पेट भर्नु पर्यो
यसैले परदेशमा गएर काम पनि गर्नु पर्यो ।
दैव लागेर हो कि खै केही बुझ्नै सकिएन
दुश्मनको जालमा परी परदेशमा मर्नु पर्यो ।
#सिमा कार्की , काभ्रे
हाल: इराक
.....

No comments:
Post a Comment